Doll's profile想要啲咩?PhotosBlogListsMore  |  Tools Help |
|
January 26 檻介調咗地盤,估唔到公司有人唔識我.
見佢教我做嘢,咪扮下傻仔.
問我做咗幾耐,我話做咗一年多.
點知今日佢見到寫字樓啲個個都識我.
跟住又問長問短.都唔知點答.
唔通我答你我係管工咩.
現在我只想做個普通員工.
夠鐘番工,夠鍾就放工.
我讀完書都唔做啦!放過我啦!
唔好再煩我,工作上我只做本份.
其他我咩都唔知唔明唔理啦.
理想幾日前,同個朋友玩msn講起有咩叫理想,成功的定義.
我當時話無,其實點會無.我記得上個月我個朋友移民
前一日.問我點解現在有人賞識,都唔跳槽.我話我唔想再
做工程,我想做我喜歡的工作.因為我有理想.佢好嬲.佢
話理想係有錢人講,無錢無理想.佢話社會好現實.
我回家後諗咗好耐.呢幾年我咁辛苦,日日應酬.
成日都飲醉,學咁多人際關係.為咩.都係為咗絛路好行啲.
現在以經有安逸的工作.點解要選擇一絛未行過的路,由頭開始.
但係我真係唔咁心,我工作咗十年,但只是為了錢而工作.
但我真係想做一份自己喜歡的工作唔想再為錢工作.
如果今次理想唔成功,
我諗我會好俾心機做現在的工作.
January 21 開心,不開心?因為屋企要裝修的關係.
所以要收拾東西,
看到好多的東西,想番好多回憶,
有開心的.有傷心的.
有太多太多的公仔.好多的相
都唔知掉不掉好.
每一仵都有好多的回憶.
發覺到有啲事係不會忘記的.
 January 18 我一直害怕的事,終於要面對呢幾日個人好似認真咗,同埋聰明咗.
因為我真係好怕.
6年前的承諾, 一直以為事情以經無人會記得.每日遊戲人間.
點知最近身邊的人,
令我感覺到係時候要對現.
明明係2個人的事,點解會變成2家人的事,
一句不甘心,俾咗6年時間我.
我真係要好認真諗一個辦法俾大家落台.
我真係唔想對現.以前係不甘心,
現在係我以經好清楚知道我想的係咩! January 02 新的一年,新的開始(要俾心機)回顧上一年真是不太開心及辛苦的一年
由年頭說起,工作方面,
因為自己不懂得對外的人際關係,及妥協.
對內不懂溝通,只會下命令.
令到我們的團隊舉步維艱.
到了年中,幾經辛苦才修補了關係.
但就要時常應酬.晚晚喝醉真的好辛苦.
換來的是工作順利以及人際關係.
到了大約八月地盤完工,我對我的上司說我不想再做管理工作.我想讀書.
過了一排,又要我去理新地盤.
因為我對自己說過我選擇了讀書.所以我放棄我的工作.
我每天準時上班,準時下班.工作時間以外的會議我都不出值.
因為我要番學,但他對我說了好多話,我對他說我決定咗.
他說了一句失望後,就將我投閒置散.我在這段期間努力讀書.
但出來的成績不理想,事業又直下谷底.真是我人生的低潮.
這一年後愛情方面認真的都拍過三次,但都是說我太大男人,
及不懂關心分手.令我明白到沒有了無絛件的愛.
總結今年不開心的事,係我發覺了世界之大自己的眇小及無知
開心的事識了好多人,學了好多新思維及發覺自己重有好大的進步空間
最後都是我時想都說的兩句話:
珍惜眼前人,珍惜你現在的一切
但願人們花多一點時間關心別人 |
|
|
