Doll's profile想要啲咩?PhotosBlogListsMore  |  Tools Help |
|
October 26 尋找今日考合地,好多朋友打俾我,
傾談中都問點解唔拍拖,
近排唔知點解好多人問這個問題,
其實自己一直都在找,
只是好難搵合適的,
人大了明白到,
不能因為喜歡就一起,
要考慮好多因素,
每個人都想自己將來絛路好行一點,
有人會搵過有錢的,老實說自己都有想過,
但當遇上了,因自尊心的問題過不了自己.
找個年紀相約的女孩?有番咁上吓大的女孩都比較現實,
都有一些好的,但又好像太平凡.
最好方法是追廿一二歲的小妹妹,因為比較天真,
無咁現實,易o水,可惜溝通唔到.
朋友說我選人,人選我,
未必有結果.
朋友又說不是沒有只是自己要求高,
每個人都有要求,自己的要求,
只是想搵個聰明一點的人,
因為自己以經蠢,所以要聰明一點的人,
提點一吓自己. October 21 同學聚會同學聚會,得知同學結婚了,
畢業了只是兩年,但同學們都成熟了好多,
另一個同學都轉換了工作,
回想起讀書時一起努力,真開心,
老實說兩位同學畢業後好小見,
說不想深交,但影響自己好深,
一個令我好羨慕,
羨慕他的人際關係,和決心,
另一個她有她的生活方式,
記得她的一句話,
她不說謊但說話中不是事實的全部
回家後想一想,自己都老了好多,
讀書時的理想,以經忘記了,
工作的事一切都不用掛心, 現在自己見到別人時都會搞好人際關係,
又明白到對人不能要說謊但都要有保留,
搞好人際關係其實都好辛苦,
不能心裡想說甚或就說甚麼,
因為事業的失利,現在只顧享樂,
一切的事情都不用掛心,
可以想點就點,
只是有時同人說話,講不出心理的話,
一切都好像很好,記得在柬埔寨回來時,
對自己說過要繼績努力,只是一個月,
又忘了自己說過的一番話,
還想去北韓見識一吓,
但現在係時候要靜下來,計劃自己的理想.
July 28 天秤上的戀人們睇完林詠琛的書,天秤上的戀人們,
初頭睇覺得麻麻,同埋用太多成語,
有一些字太深,一本普通小說,
點解用字這麼深,睇起來好煩,
不能投入,段落又不清,
但一路睇內容的好給引,
好多估不到的情節.
同本身的想法有好大分別,
同年同月同日的戀人,
認該是美好的,但事實......
書中都說出了好多現實的情景,
人性,以及世界的平衡和秩序,
書中的[預定和諧]的理論,
同自己一直相信的經濟學理論一樣,
天秤上的戀人們,這本書值得睇.
現實生活認識一對夫婦是同年同月同日的,
女方說法,現實是不太美好.
但同書中所一樣命運是註定的,
但結是會跟隨你的選擇而改變,
不過你以經選擇了.
June 20 正生書院事件每日都聽到有人討論正生書院事件,
大部份人,都說梅窩居民不近人情,
野蠻,自私,無包容心,
我本身係梅窩原居民,
但不是因為我係梅窩原居民,而不開心.
而係人們為何不去理解事情,而一面倒指責居民,
其實點解反對,真正的反對理由係點解有學校而唔開班,
而將學校俾其他團體用,地方梅窩多的事,
但這學校係梅窩居民的心願,
每日梅窩的學生要搭1小時車去番學,
好多人話係梅窩的學生專登要去出面讀書,
唔讀梅窩學校,事實真的嗎?
真係唔想讀梅窩學校,喜歡搭車?
可以肯定的一句唔係,本人的堂弟就因為梅窩學校停辦,
要出去讀書,要方便番學而要般離梅窩,
一家人散了.
不是反對正生書院,梅窩居民係持開放態度,
真正的訴求是點解有學校反而唔俾居民入讀,
一個個家庭,因為學生要讀書而般離梅窩.
梅窩越來越小人,一個個大家庭散了,
現在一個家族有廿多人,但慢慢分散,
可憐,最後只剩下一些老人家.
June 07 真正的開心今日終於收到嘉敏的電話,等了好久了,
以往天氣泠的時候都會打俾我,叫著多件,
,一年都會來電幾次,但對上一次都以經是好耐了,
當你話俾我聽你生了個好可愛的BB女,先明白點解無來電,
唔知點解知道你生了BB,自己不自覺的開心起來,
這次係我這幾年真正的開心,感覺好像是自己生了BB一樣.
今次傾計,傾咗好耐,但都無答案,因為你有你講,我有我講,
可能大家都意識道,今次應該是大家最後一次傾電話,
好多誤會,好多嘢想講,但一切都過去了,
當初大家的決定都是對的,現在你以經有幸福的家庭.
你不用再為我擔心,都會俾心機搵個女朋友,
搵個會照顧我的女朋友,
點解在你心中我永遠都係一個不會長大的小孩子,
其實我以經學會了好多甜言蜜語及情趣,
老實說這幾年來自己好小講嘢,靜咗好多,
因為沒心機交朋友,而又不想追女仔因為怕會忘記你,
記我嗎?以前因為我時想口多多撩女仔,
你連買嘢食都唔俾我一個人買,話怕我撩女仔,
每次都係你買,日日接我收工,
這幾年我盡量不出聲,
係想你知道,你不喜歡的,我都會改,
但所學的,是因為你而學,只想用在你身上令你開心,
但一切都重新開始,會將甜言蜜語及情趣用在其他女仔身上,
不會再係1,2個月就散,我會聽你話正經揾個女朋友.
其實你現在係我心中,你都係好煩.
點都好你大個女啦!做人媽媽了.
唔好再理我的事,祝你永遠開開心心.聰
April 05 改變這個月見番好多識了十幾年的朋友,
他們都說我變了,靜了.
自己都覺得係,從前我只會和女性交朋友,
因為認為自己以經有足夠的朋友,
但現在連女性朋友都不想交,
朋友說我聰明了,但想得太多,不是好是,
其實知道在我的朋友中自己是最蠢的一個,
所以現在每行一步都會想清楚,
不能再遊戲人間,
現在的我執著,因為終於想追尋自己的夢,
現在做甚麼都會認真做,因為知道不能再浪費時間,
January 25 不開心朋友說我再是這樣不會對人好,以後都是不開心,
老實說從前私我好開心,但現在的我真的不開心,
因為會想別人的感受,想過才做想過才說.,
反而是最不開心,因為人們都想聽花言考語,
今天是傷心的一天,其實同一自己深愛而明知佢不會愛你的人一起都是都是一件開心的事,
因為原來送自己深愛的人去陪他人才是最辛苦的事. January 11 失戀都不是第一次失戀,
但唔知點解真係好唔開心,
其實都唔知有無戀愛過,
由相識到一齊,直至分手,
都只是兩個月時間左右,
但感覺好似好長, 好開心,
不過想真一點只是自己太天真,
由開始至分開,大家都有協定.
大家只是朋友,遊戲一場,
只是自己以為可以令遊戲變真實,
一直希望對方可以愛上自己.
朋友們都以為我好熟悉這個遊戲,
老實說從來我都不想玩,
只是希望可以搵到一個愛自己的人,
現在以經不想再搵了,真的分不清甚麼是愛了,
朋友和情侶的界線有咩分別?
瞓在你身邊的人,心裹是否真的愛你?
人是因為愛才成為伴侶,還是因為悶而一起?
December 29 一年的總結重有2天就新的一年來臨,
回想今年需然有一些事情不太如意,
但算是大部份的計劃都順利完成,
今年可以說是得著最多的一年,
好幾年沒有和朋友多點聚會,
今多了搵朋友,可能看書看得多有點悶,
從前可能有點誤會的朋友,以往好少見面,
因為長假期的關係,我們差不多日日都到面,
一起食飯,傾計,一起飲酒,所以又再次成為好朋友.
想真一點以前點解小聯絡,其實因為我不喜歡他太聰明,
唔知點解有一日發覺係時候要計畫自己的人生,
不能再遊戲人間,所以始學習用腦.
開始行自己應該行的路,
今年最失敗的係重未正經的有女朋友,
朋友們說我想太多,想一想今年大約都識了十個單身女性,
但都好似唔係好適合自己,又或者大多朋友陪的關係,
老實說真的玩夠,
但唔知係咪見得多,搵唔番戀愛的感覺.
最好笑的是,朋友們還緊張過我,
到了現在都不知自己是否拍緊拖,
時常和一個女孩一起,她說想做我的女朋友,
但老實說朋友和情侶有甚麼分別?
真的不知有甚麼分別?
最重要是她好像只是想有人陪,
大家的思想又有好大的分別,
感覺她不會接受我的思想,
感覺不到她會愛上我??
不如意今日看到網友早前的分享,
很無奈因為她說要離開我們,
不知是甚麼原因她會有這樣的想法,
希望她不會做傻事.
因為好早以是我們的好朋友,
人生有好多事值得開心,
何必去執著於一些不如意的事情上,
美紅撐住,不要做傻事,
努力活下去. November 30 忙碌,快到年結辛苦咗成個月,
終於放假,
這個月工作上真的辛苦,
其實是這幾年工作太舒服了,
好彩朋友的工程接近尾聲,
不用幫忙可以離開,
可能番公司了
 .想番起有一日放了工,
居然和同學去了碼頭傾計,
老實說想都沒想過會在碼頭傾計,
因為這樣好似好傻,好無聊,
但發覺感覺都幾好,
可能因為同學的關係
 .就快又一年了,
要認真想想今年有咩目標未完成,
要努力在今年完成. November 17 在忙甚麼最近又開始將大部份時間放在工作上,
知道應該時間放在學業上,
不知為何沒有心機溫書,
每天都在忙忙碌碌,
但知到自己是白忙,
應該將時間放在有用的地方,
工作可以好安定,何必去幫人想太多.
早2日朋友新居入伙,
當晚bbq好開心,
最好笑是看到有人做一些好傻的事,
和朋友笑到傻,朋友問點會重有這些人,
我便說只要他們一日不醒,一日都不會覺得自己傻,
朋友的一句話,帶出了一點無奈,
他說是幾時開始我們清醒了,
為何我們清醒了,沒有帶來更多的快樂,
反而帶來的是更多的追求,更多的煩惱,更多的忙碌?
最後好多謝朋友們的包容,不介意我亂講嘢,
只有和他們一起是最開心的,
因為想做甚麼,想說甚麼都可以,
他們都不會介意,
他們都知道這個不用腦的人才是真正的我,
真正的自我
 October 26 同學聚會昨日舊同學聚會,
好開心同學們會出來,
見到同學以經到達目標,
好開心因為他們的努力是有成果的,
從同學們的面上看到大部份好幸福,
記得從前我們讀書是為了令生活好啲,
讀書是記得同學說過覺得自己可以得到更多,
多謝這句話因為到現在這句話就是我的動力.
多謝同學們的幫助和支持,沒有你們,
一早我以經放棄了學習.
希望大家都保持友誼,向大家的目標前進.
努力 October 21 可以回頭嗎?自從去玩朋友的聚會.
這幾天諗咗好多嘢,
看見他們的快樂,
沒有太多的物質,
但好開心,從前我們都是這樣生活,
都是這麼開心,但細心想一想,
因為他們還是青春所以這麼開心,
現在人大了,再沒有多餘的時間去這樣生活.
唔記得從何時起發覺自己不再年輕,
所以每件事情都不再浪費時間,
回頭看其實只是不停的轉圈,原地踏步,
同朋友傾計時說現在好想戀愛,
朋友說每個人都想, 諗真一點,
記得對自己說不再會令自己寂寞,
這幾年真的做到了,認識到好多女性朋友,
但沒有一次有戀愛的感覺,
因為認識時大家會先了解大家想法,
計算一吓大家可以相處的機會成本,
只是想要一個可以一起生活的人,
所以一發覺大家有甚麼問題都不必去哄,
不須甜言蜜語,不須說謊,
拍拖,分手都不會拖拖拉拉,
理性的想法令,
令到現在還在尋找,
真的好想可以再一次戀愛.
何時才會有人再愛我?
October 13 無論發生咩事,你自己的價值都是不變今日同朋友去跑步,
朋友這幾年都是做生意,
又沒有運動,諗住一齊玩吓,
點知佢重係好強,
佢成日都話病完之後體能差咗好多,
所以唔去跑步又唔去玩體能,
經過今次發現一切都是佢懶而唔去,
阿仁你真是好強,
再次發覺體力及腦力都不及他,
好彩他係我好朋友.
看了一本書(佐賀的超級阿嫲)
需然我一點都不認同書中的做人哲理,
因為做人要有理想,耍去努力爭更好的生活,
但一路看,發覺本書都有他的道理,(樂觀.唔執著,活在自我)
看完第一冊,自在反而想睇埋其餘的三冊,
書的最後的有一句好有意義的話:
(記住你做任何,都是為了自己,不是為了任何人)
September 29 好好好朋友結婚了昨日又有朋友.
需然好多朋友都結咗婚.
但今次好開心又有一點緊張,因為兩個都識咗十幾年,
一個重係好好好朋友,睇住佢相識到結婚,
十幾年了.
今次見番好多朋友,有啲都十年無見了,
但見番面,一樣好親切的感覺.
這種感覺好耐無出現,
童年時認識的朋友才能吸人們純真的感覺,
September 26 朋友昨日,朋友結婚,
今次好開心,
因為好多好耐無見的朋友,
好多朋友飲醉咗要我們送佢回家,
回想起從前我們一起工作,
真的好開心,每日早上一起工作,
晚上又一齊食飯,飲酒,
他們教曉我好多事,
沒有他們幫忙,我諗未完成工程,
我以經不幹了,好彩我們努的赤柱大樓,
都拿到幾個藝術獎.
令外一件開心的事,
我們的側師朋友拿了個藝術獎,
獎金都有二十萭,最重要是他出了名,
前途一片光明. September 10 活在當下 昨日看完 米奇．艾爾邦 的作品(再給我一天)
因為這三本書,我不是順次序睇的,
我是由在天堂遇見的五個人,最後14堂星期二的課,再給我一天,
這個次序看的,所以看 (再給我一天 )的時候覺得有點悶,
但看到大約 3份1的時候終於投入了,這本令人知道時間
是不可能回頭 的,我們要活在當下.
昨晚同朋友傾計,他說我變了好多,
從前有自己的一套,有自己的原則,
其實一直都無變,只是對社會的妥協,
隨波逐流,要生活就要跟社會的規則,
現在的做法令人們都開心,有甚麼不好? September 09 付出,不耍計較今日放假,去買了一本書睇(相約星期二 Tuesdays with Morrie)
這是一本很好的書.生活中好多事值得我們去思考.
看完這本書立即好想見到朋友們.
重有2日,就生日了,今個月分別有兩位朋友結婚,
所以今年不攪party,諗住同女朋友一齊過生日,
點知佢要去公幹,不能陪我.
真係要俾本書佢睇,等佢知到除了工作之以外,
重要關心一吓身邊的人. September 01 成長昨日,朋友結婚,出席他們的婚宴令我感覺到很高興,
見到好多朋友,
他們叫我從前的名字,
一個無憂時期的名字
諗番細個的回憶,
看住朋友拍拖到結婚,
十幾年了,想一想都覺得朋友幸福,
可以拍拖十幾年.
這十幾年自己又做過啲咩?
一直找都是不知自己想要甚麼?
祝朋友永遠都開心 |
|
|
